राष्ट्रपतींच्या उपस्थितीत शिवजयंती सोहळयाचे उद्घाटन

                        

नवी दिल्ली, 17 : राष्ट्रपती रामनाथ कोविंद यांच्या प्रमुख उपस्थितीत शिवजयंती सोहळयाचे उद्घाटन सोमवारी सांयकाळी 6 वाजता जनपथमार्गावरील इंदिरा गांधी कला केंद्रात होणार असून हा कार्यक्रम अखिल भारतीय शिवराज्याभिषेक महोत्सव समितीच्यावतीने आयोजित करण्यात आला आहे.

        राजधानीत 19 व 20 फेब्रुवारी 2018 रोजी वैविध्यपूर्ण कार्यक्रमांच्या आयोजनांसह शिवजयंती सोहळा साजरा होणार असून राष्ट्रपती या सोहळयाच्या मुख्यकार्यक्रमाचे प्रमुख पाहुणे म्हणून उपस्थित राहणार आहेत. इंदिरा गांधी राष्ट्रीय कला केंद्राच्या पटांगणावर सायंकाळी  6 वाजता होणा-या या कार्यक्रमास करविर अधिपती शाहु छत्रपती महाराज यांची विशेष उपस्थिती राहणार आहे. यासह नौदल प्रमुख ॲडमीरल सुनील लांबा, लष्कर प्रमुख जनरल बिपीन रावत,  कर्नल ऑफ द रेजिमेंट मराठा लाईट इन्फेट्री पी.जे.एस.पन्नु , जनरल जे.जे. सिंग (निवृत्त) या कार्यक्रमास उपस्थिती राहणार.

           या कार्यक्रमानंतर छत्रपती शिवाजी महाराजांच्या जीवन चरित्रावर आधारीत "शिवगर्जना' महानाट्याचा प्रयोग सादर होणार आहे.

शिवजयंती सोहळयाचा कार्यक्रम  

19 फेब्रुवारी

सकाळी 9 :30 : 11 : 00 -  महाराष्ट्र सदन (कस्तुरबा गांधी मार्ग) येथे शिव जन्मोत्सव (पाळणा)चा  कार्यक्रम आयोजित  

सकाळी 1 1 : 00 ते दुपारी 01 :00 - महाराष्ट्र सदन ते  कस्तुरबा गांधी मार्ग, राजपथ ते इंदिरा गांधी राष्ट्रीय कला     केंद्रापर्यंत  शोभायात्रा

दुपारी  01 : 00 ते सांयकाळी 4 :00 – रक्तदान शिबिर  (इंदिरा गांधी राष्ट्रीय कला केंद्र, जनपथ रोड)

दुपारी 02 : 00 ते सांयकाळी 05 : 00 -  इंदिरा गांधी राष्ट्रीय कला केंद्र येथे (सिंहनाद) तुतारी, ढोल ताशे पथक, वासुदेव, गोंधळ, वारकरी दिंडी, र्कितन, लेझीम ईत्यादींचे सादरीकरण.  

सायंकाळी 6 : 00 – मुख्य उद्घाटनाचा कार्यक्रम 

7 : 00 - शिवछत्रपतींच्या जीवन चरित्रावर आधारीत "शिवगर्जना' महानाट्याचा प्रयोग

 
                                    20 फेब्रुवारी

सायंकाळी 7 : 00 - "शिवगर्जना' महानाट्य प्रयोगाचे पुन्हा सादरीकरण

       महाराष्ट्र परिचय केंद्राच्या अधिकृत व्टिटर हॅण्डलला फॉलो करा  :  http://twitter.com/micnewdelhi
 

                                                     ०००००००