प्रधानमंत्री कौशल्य विकास योजनेंतर्गत महाराष्ट्रात 391 प्रशिक्षण केंद्र तर 43 कौशल्य केंद्र

                 

नवी दिल्ली, 6 : प्रधानमंत्री कौशल्य विकास योजने अंतर्गत महाराष्ट्रात 391 प्रधानमंत्री कौशल्य विकास प्रशिक्षण केंद्र तर 43  प्रधानमंत्री कौशल्य केंद्र उभारण्यात आली आहेत.

             केंद्रीय कौशल्य विकास आणि उद्योजकता मंत्रालयाअंतर्गत कार्यरत राष्ट्रीय कौशल्य विकास महामंडळाच्यावतीने देशात महत्वाकांक्षी ‘प्रधानमंत्री कौशल्य विकास योजना 2016-2020’ ची अंमलबजावणी करण्यात येत आहे. देशातील प्रत्येक जिल्हयात या योजनेच्या माध्यमातून आकांक्षी कौशल्य केंद्र चालविण्यात येतात जी प्रधान कौशल्य केंद्र या नावाने ओळखली जातात. देशातील 1 कोटी तरुणांना अल्प कालावधी प्रशिक्षण्  देण्याच्या उद्देशाने या योजनेची अंमलबजावणी सुरु आहे.

            प्रधानमंत्री कौशल्य विकास योजनेअंतर्गत देशातील 29 राज्य व  7 केंद्रशासित प्रदेशांमध्ये 10 हजार 355 प्रधानमंत्री कौशल्य विकास प्रशिक्षण केंद्र तर 738  प्रधानमंत्री कौशल्य केंद्र उभारण्यात आली आहेत. यापैकी महाराष्ट्रात 391 प्रधानमंत्री कौशल विकास प्रशिक्षण केंद्र तर 43  प्रधानमंत्री कौशल केंद्र उभारण्यात आली आहेत. अशी माहिती केंद्रीय कौशल्य विकास आणि उद्योजकता  मंत्री धर्मेंद्र प्रधान यांनी आज राज्यसभेत एका प्रश्नाच्या लेखी उत्तरात दिली.

           आम्हाला ट्विटर वर  फॉलो करा  http://twitter.com/MahaGovtMic                                                                     

                                                                        00000

रितेश भुयार/वि.वृ.क्र.59/दि.6.02.2019