इंदिरा गांधी यांची जयंती राजधानीत साजरी

नवी दिल्ली, 19 : भारत देशाच्या पहिल्या महिला प्रधानमंत्री  इंदिरा गांधी यांची 101 वी जयंती आज महाराष्ट्र सदन व महाराष्ट्र परिचय केंद्र येथे  साजरी करण्यात आली.

               कोपर्निकस मार्गस्थित महाराष्ट्र सदनातील सभागृहात आयोजित कार्यक्रमात निवासी आयुक्त समीर सहाय यांनी इंदिरा गांधी यांच्या प्रतिमेस पुष्पहार अर्पण करून अभिवादन केले. यावेळी सहायक निवासी आयुक्त सुमन चंद्रा, विजय कायरकर, अजितसिंह नेगी यांच्यासह महाराष्ट्र सदन व महाराष्ट्र परिचय केंद्राचे अधिकारी -कर्मचारी  उपस्थित होते. उपस्थितांनी यावेळी इंदिरा गांधी यांच्या प्रतिमेस पुष्प अर्पण करून अभिवादन केले.

         इंदिरा गांधी यांची जयंती राष्ट्रीय 'एकात्मता दिन' म्हणून पाळण्यात येते. यावेळी निवासी आयुक्त समीर सहाय यांनी उपस्थित अधिकारी -कर्मचा-यांना राष्ट्रीय एकात्मतेची शपथ दिली. 

                     महाराष्ट्र परिचय केंद्रात इंदिरा गांधी यांना अभिवादन

महाराष्ट्र परिचय केंद्रात इंदिरा गांधी यांची जयंती साजरी करण्यात आली. महाराष्ट्र परिचय केंद्राचे उपसंचालक दयानंद कांबळे यांनी इंदिरा गांधी यांच्या प्रतिमेला पुष्प अर्पण करून अभिवादन केले. यावेळी कार्यालयात उपस्थित अधिकारी-कर्मचारी यांनी इंदिरा गांधी यांच्या प्रतिमेला पुष्प अर्पण करून आदरांजली वाहिली.  यावेळी  उपसंचालक  दयानंद  कांबळे यांनी उपस्थित अधिकारी-कर्मचा-यांना राष्ट्रीय एकात्मतेची शपथ दिली.      

       महाराष्ट्र परिचय केंद्राच्या अधिकृत व्टिटर हॅण्डलला फॉलो करा :

                              http://twitter.com/micnewdelhi                        

000000

रितेश भुयार /वृत्त वि. क्र.252/  दिनांक १९.११.२०१९