पद्म पुरस्कार जाहीर : महाराष्ट्राला १ पद्म विभूषण, ५ पद्मभूषण तर १० पद्मश्री ;धिरूभाई अंबानी यांना मरणोत्तर पद्मविभूषण

नवी दिल्ली, दि. २५ : केंद्रीय गृहमंत्रालयाच्यावतीने सोमवारी ‘वर्ष २०१६’च्या पद्मपुरस्कारांची घोषणा करण्यात आली. विविध क्षेत्रात उल्लेखनीय योगदान देणा-या देशातील ११२ मान्यवरांना हे पुरस्कार जाहीर झाले आहेत. या पुरस्कारांमधे १ पद्म विभूषण, ५ पद्मभूषण तर १० पद्मश्री असे एकूण १६ पद्म पुरस्कार महाराष्ट्रातील मान्यवरांना जाहीर झाले आहेत. देशातील उद्योग व व्यापार क्षेत्रात उल्लेखनीय योगदान देणा-या  धिरूभाई अंबानी यांना मरणोत्तर पद्म विभूषण पुरस्कार जाहीर झाला.

            देशातील प्रतिष्ठीत नागरी पुरस्कार म्हणून गणल्या जाणा-या पद्मपुरस्कारांची यादी आज केंद्रीय गृहमंत्रालयाने जाहीर केली. कला, व्यापार,उद्योग, सामाजिक कार्य, सार्वजनिक क्षेत्र, विज्ञान–अभियांत्रिकी, औषध,साहित्य–शिक्षण, क्रीडा, नागरीसेवा इत्यादी क्षेत्रात सर्वोत्तम योगदान देणा-या देशातील ११२ मान्यवरांना पद्म पुरस्कार जाहीर झाले. तीन श्रेणींमध्ये जाहीर झालेल्या या पुरस्कारात १० पद्मविभूषण,१९ पद्मभूषण आणि ८३ पद्मश्री पुरस्कारांचा समावेश आहे. या पुरस्कार विजेत्यांमध्ये १९ महीलांचा तर १० अनिवासी भारतीयांचा समावेश आहे. ४ मान्यवरांना मरणोत्तर पुरस्कार जाहीर झाला आहे.

             प्रजासत्तादिनाच्या पूर्व संध्येला जाहीर  महाराष्ट्रातील पद्मपुरस्कार विजेत्यांची यादी पुढील प्रमाणे.                                                    

पुरस्काराचे नांव	पुरस्कार प्राप्त मान्यवरांची नांवे	कार्यक्षेत्र
पद्मविभूषण	धिरूभाई अंबानी (मरणोत्तर)	व्यापार आणि उद्योग
पद्मभूषण	अनुपम खैर	कला – चित्रपट
	उदित नारायण झा	कला- पार्श्व गायन
	प्रा.एन.एस.रामानुज टाटाचार्य	साहित्य - शिक्षण
	स्वामी तेजोमयानंद	अध्यात्म
	हाफिज कॉन्ट्रक्टर	वास्तूशास्त्र
पद्मश्री	अजय देवगण	कला – चित्रपट
	प्रियंका चोपडा	कला – चित्रपट
	मधुर भांडारकर	कला – चित्रपट दिग्दर्शन व निर्मिती
	पियुष पांडे	जाहिरात व संवाद
	सुभाष पालेकर	शेती
	ॲड.उज्वल निकम	सार्वजनिक  क्षेत्र
	प्रा.(डॉ.) गणपती दादासाहेब यादव	विज्ञान व अभियांत्रिकी
	सुधाकर  ओलवे	समाजसेवा
	दिलीप संघवी	व्यापर आणि उद्योग
	डॉ.केकी होरमुसजी घरडा	व्यापर आणि उद्योग

                                         0000000