Wednesday 23 January 2019

गोंदिया येथे लवकरच विमान सेवा सुरु होणार :सामाजिक न्याय मंत्री राजकुमार बडोले



                                                                       
नवी दिल्ली, २३ : केंद्र शासनाच्या ‘उडान’ योजनेंतर्गत गोंदिया येथे लवकरच विमान सेवा सुरु होणार असल्याची माहिती राज्याचे सामाजिक न्याय व विशेष सहाय्य मंत्री तथा गोंदिया जिल्हयाचे पालक मंत्री राजकुमार बडोले यांनी आज येथे  दिली.
            श्री बडोले यांनी आज उद्योग भवन येथे नागरी विमान वाहतूक मंत्री सुरेश प्रभु यांची भेट घेतली. यावेळी झालेल्या बैठकीत श्री. बडोले यांनी गोंदिया येथे विमानसेवा सुरु करण्याची मागणी केली. उभय मंत्र्यांमध्ये  यावेळी झालेल्या सविस्तर चर्चेनंतर केंद्र शासनाच्या उडान योजनेंतर्गत गोंदिया येथे विमान सेवा सुरु करण्याची  ग्वाही  श्री प्रभु यांनी दिल्याचे श्री. बडोले यांनी सांगितले. यासंदर्भात लवकरच अधिकृत घोषणा करण्यात येणार असल्याचेही श्री बडोले म्हणाले.
गोंदिया येथे विमान सेवा सुरु झाल्यास या भागाच्या विकासाला मोठी चालना मिळेल असा विश्वासही श्री. बडोले यांनी व्यक्त केला.     
        आम्हाला ट्विटर वर  फॉलो करा  http://twitter.com/MahaGovtMic                                                                     
                                                          00000
रितेश भुयार/वि.वृ.क्र.31/दि.23.01.2019



No comments:

Post a Comment