पुलवामा
दहशतवादी हल्ल्यातील शहिदांना श्रध्दांजली
नवी दिल्ली, 15 : संत सेवालाल महाराज यांची जयंती आज
महाराष्ट्र सदन व महाराष्ट्र परिचय केंद्र येथे साजरी करण्यात आली. यावेळी पुलवामा
दहशतवादी हल्ल्यातील शहिदांना श्रध्दांजलीही वाहण्यात आली.
कोपर्निकस
मार्गस्थित महाराष्ट्र सदनातील सभागृहात आयोजित कार्यक्रमात सहायक निवासी आयुक्त सुमन
चंद्रा यांनी संत
सेवालाल महाराज यांच्या प्रतिमेस पुष्पहार अर्पण करून अभिवादन केले. यावेळी सहायक
निवासी आयुक्त इशु संधू, विजय कायरकर यांच्यासह महाराष्ट्र सदन तथा महाराष्ट्र
परिचय केंद्राच्या अधिकारी व कर्मचाऱ्यांनी संत सेवालाल महाराज यांच्या प्रतिमेस पुष्प अर्पण करून
अभिवादन केले. उपस्थित अधिकारी कर्मचा-यांनी यावेळी मौन पाळून पुलवामा दहशतवादी
हल्ल्यातील शहिदांना श्रध्दांजली वाहिली.
महाराष्ट्र परिचय केंद्रात संत सेवालाल महाराज यांना अभिवादन
महाराष्ट्र
परिचय केंद्रात संत सेवालाल महाराज यांची जयंती साजरी करण्यात आली. परिचय
केंद्राचे उपसंचालक दयानंद कांबळे यांनी संत सेवालाल महाराज यांच्या प्रतिमेस
पुष्प अर्पण करून आदरांजली वाहीली. यावेळी उपस्थित अधिकारी व कर्मचा-यांनी संत
सेवालाल महाराज यांच्या प्रतिमेला पुष्प अर्पण करून आदरांजली वाहिली. उपस्थित अधिकारी कर्मचा-यांनी यावेळी मौन पाळून
पुलवामा दहशतवादी हल्ल्यातील शहिदांना श्रध्दांजली वाहिली.
00000
रितेश भुयार/वि.वृ.क्र.68/दि.15.02.2019
No comments:
Post a Comment