राजधानीत लोकमान्य टिळक यांची जयंती साजरी

 

नवी दिल्ली, २३ : भारतीय असंतोषाचे जनक लोकमान्य बाळ गंगाधर टिळक यांची 168 वी जयंती महाराष्ट्र सदन आणि महाराष्ट्र परिचय केंद्रात आज साजरी करण्यात आली. 

 

 कॉपरनिकस मार्गस्थित महाराष्ट्र सदनातील सभागृहात आयोजित कार्यक्रमात निवासी आयुक्त तथा अपर प्रधान सचिव रूपिंदर सिंग यांनी  लोकमान्य टिळक यांच्या प्रतिमेस पुष्पहार अर्पण करून अभिवादन केले. यावेळी अपर निवासी आयुक्त श्रीमती नीवा जैन, सहायक निवासी आयुक्त डॉ. राजेश अडपावार यांच्यासह महाराष्ट्र सदनाचे अधिकारी व कर्मचारी उपस्थित होते. उपस्थित अधिकारी- कर्मचाऱ्‍यांनीही  यावेळी प्रतिमेस पुष्प अर्पण करून अभिवादन केले.  

महाराष्ट्र परिचय केंद्रात लोकमान्य टिळक यांना अभिवादन

 

महाराष्ट्र परिचय केंद्रात लोकमान्य बाळ गंगाधर टिळक यांची जयंती साजरी करण्यात आली. उपसंचालक अमरज्योत कौर अरोरा यांनी प्रतिमेस पुष्प अर्पण करून विनम्र अभिवादन केले. यावेळी  उपस्थित कर्मचाऱ्यांनी  प्रतिमेस पुष्प अर्पण करून आदरांजली  वाहिली.

 

*****************************

आम्हाला एक्सवर फॉलो करा: http://twitter.com/MahaGovtMic 

अमरज्योत कौर अरोरा /वृत्त वि. क्र.86 / दिनांक 23.07.2024