राजधानीत हुतात्म्यांना आदरांजली

नवी दिल्ली, 30 : देशाच्या स्वातंत्र्यासाठी प्राणांची आहुती देणा-या हुतात्म्यांच्या स्मरणार्थ 2 मिनिटे मौन (स्तब्धता) पाळून महाराष्ट्र सदनात तसेच महाराष्ट्र परिचय केंद्रात मंगळवारी हुतात्म्यांना आदरांजली वाहण्यात आली.

कोपर्निकस स्थित महाराष्ट्र सदनाच्या सभागृहात या कार्यक्रमाचे आयोजन करण्यात आले होते. यावेळी निवासी आयुक्त तथा सचिव आभा शुक्ला, यावेळी राजशिष्टाचार तथा गुंतवणूक आयुक्त लोकेश चंद्र, अपर निवासी आयुक्त समीर सहाय, सहायक निवासी आयुक्त इशु संधू यांच्यासह महाराष्ट्र सदनातील अधिकारी- कर्मचारी उपस्थित होते. महात्मा गांधी यांची पुण्यतिथी हुतात्मा दिन म्हणून पाळला जातो.

  महाराष्ट्र परिचय केंद्रात हुतात्म्यांना आदरांजली

 महाराष्ट्र परिचय केंद्रात हुतात्म्यांना मौन पाळून आदराजंली वाहण्यात आली. यावेळी उपसंचालक दयानंद कांबळे  यांच्यासह  कार्यालयातील अधिकारी  कर्मचारी उपस्थित होते.

    आम्हाला ट्विटर वर फाँलो करा http://twitter.com/mivnewdelhi

                                                 ******