नवी
दिल्ली, 18 :
मुबई विद्यापीठाचे माजी
कुलगुरु संजय देशमुख यांनी आज महाराष्ट्र परिचय केंद्राला भेट दिली.
परिचय केंद्राचे उपसंचालक दयानंद कांबळे यांनी
पुष्पगुच्छ देवून श्री. देशमुख यांचे स्वागत केले.
श्री.
देशमुख यांनी परिचय केंद्राच्या वैविद्यपूर्ण उपक्रमांबाबत माहिती जाणून घेतली.
शासनातील जनसंपर्क विषयावरील राष्ट्रीय कार्यशाळा, राज्य शासनाच्या विविध उपक्रमांबाबत समाज
माध्यमांद्वारे करण्यात येणारी प्रभावी प्रसिध्दी आणि कार्यालयाच्या वतीने
राबविण्यात येणा-या विविध उपक्रमांबाबत त्यांनी समाधान व्यक्त केले. देशाच्या
राजधानीत महाराष्ट्राच्या प्रतिनिधीत्वाचा झेंडा अभिमानाने उंचावत ठेवण्याचे काम
परिचय केंद्राने केल्याच्या भावना श्री. देशमुख यांनी मांडल्या.
दिल्लीस्थित विविध राज्यांच्या जनसंपर्क विभागांसोबत संपर्क व
समन्वय साधून जनसंपर्क विषयक कार्यातील सकारात्मक उपक्रमांच्या देवाण घेवाणीत या
कार्यालयाच्या पुढाकाराबाबत श्री. कांबळे यांनी माहिती दिली. दिल्लीत राबविण्यात
येणारे विविध उपक्रम, परिचय
केंद्राची विविध प्रकाशने आदींची माहिती श्री. कांबळे यांनी यावेळी दिली. परिचय
केंद्राचे ग्रंथालय तसेच कार्यालयाच्या विविध विभागांना भेट देऊन श्री. देशमुख
यांनी माहिती जाणून घेतली व कार्यालयाच्या कामाबाबत समाधान व्यक्त केले.
आम्हाला
ट्विटर वर फॉलो करा
No comments:
Post a Comment