नवी दिल्ली, 18 : केंद्रीय
वने व पर्यावरण तथा हवामानबदल मंत्री प्रकाश जावडेकर यांच्या अध्यक्षतेखाली
झालेल्या राष्ट्रीय वन्यजीव मंडळाच्या बैठकीत आज महाराष्ट्रातील तीन जिल्हयातील महत्वपूर्ण
6 प्रकल्पांना मंजुरी देण्यात आली .
श्री. जावडेकर यांनी ही माहिती दिली असून या मंजुरीने आदिवासी व वन
बांधवांना फायदा होईल तसेच पर्यावरणाचे रक्षण व विकास होणार असल्याच्या भावनाही व्यक्त केल्या.
कोल्हापूर जिल्हयातील सोनवडे-घोडगे हा कोल्हापूर व सिंधुदुर्ग या
जिल्हयांना जोडणा-या घाट रस्त्याला
राष्ट्रीय वन्यजीव मंडळाची दुस-या टप्प्याची मंजुरी प्रलंबीत होती, आजच्या
बैठकीत यास मंजुरी देण्यात आली. यासह अमरावती जिल्हयातील मेळघाट या वनाच्छादीत व
आदिवासीबहुल भागातील चौराकुंड-खोपण-खोलमार रोड पासींगच्या कामासह
करंजखेडा-हातरू-राजपूर-सेमाडोह या 16 कि.मी. रोड पासींगला मंजुरी देण्यात आली आहे.
मेळघाट व्याघ्र प्रकल्पाच्या कोअर भागातून जाणा-या या रस्त्यांचे काँक्रीटीकरण राष्ट्रीय वन्यजीव मंडळाच्या परवानगी अभावी अपूर्ण होते.
चंद्रपूर जिल्हयातील राजगड-पुगलर ट्रांसमीशन लाईन आणि निमगांव लघु
पाटबंधा-याच्या कामालाही आजच्या बैठकीत मंजुरी देण्यात आली.
याबैठकीत महाराष्ट्रासह आंध्रप्रदेश, उत्तराखंड
आणि मध्यप्रदेशातील प्रकल्पांनाही मंजुरी देण्यात आली .
महाराष्ट्र परिचय
केंद्राच्या अधिकृत व्टिटर हॅण्डलला फॉलो करा :
0000
रितेश भुयार,/ वृत्त वि. क्र.१६२ / दिनांक १८.०७.२०१९
No comments:
Post a Comment