महाराष्ट्र सदनाचे निवासी आयुक्त समीर कुमार बिस्वास सेवानिवृत्त

नवी दिल्ली, 1 : प्रधान सचिव तथा महाराष्ट्र सदनाचे निवासी आयुक्त समीर कुमार बिस्वास हे गुरुवारी ( 31 मार्च) नियतवयोमानानुसार सेवानिवृत्त झाले असून त्यांना निरोप देण्यात आला.

कोपर्निक्समार्ग स्थित महाराष्ट्र सदनात निरोप सभारंभाचे आयोजन करण्यात आले. यावेळी सहायक निवासी आयुक्त डॉ. राजेश अडपावार यांच्यासह महाराष्ट्र सदनाचे अधिकारी तथा कर्मचारी उपस्थित होते.

समीर कुमार बिस्वास हे भारतीय प्रशासकीय सेवेतील 1990 च्या तुकडीचे महाराष्ट्र कॅडरचे अधिकारी असून 31 वर्षांच्या प्रशासकीय कारकिर्दीत त्यांनी महाराष्ट्र शासन व केंद्र शासनामध्ये विविध महत्वाच्या पदावर कार्य केले आहे. श्री. बिस्वास गेल्या सात वर्षांपासून प्रतिनियुक्ती तत्वावर केंद्र शासनाच्या सेवेत कार्यरत होते.

श्री. बिस्वास यांनी वर्ष 2000 ते 2012 पर्यंत महाराष्ट्र राज्य वस्त्रोद्योग महामंडळाचे तसेच राज्य आर्थिक महामंडळाचे व्यवस्थापकीय संचालक,राज्य रस्ते विकास महामंडळाचे सह व्यवस्थापकीय संचालक, जनगणनना प्रकल्पाचे संचालक आदि पदांवर कार्य केले . राज्य रस्ते विकास महामंडळात कार्यरत असतांना त्यांनी ‘मुंबई ट्रांस हर्बर लिंक’ सह अनेक महत्वाच्या पायाभूत प्रकल्पांच्या उभारणीत उल्लेखनीय जबाबदारी पार पाडली होती .वर्ष 2012 ते 2014 या कालावधीत त्यांनी मुंबई येथील धारावी पुनर्विकास प्रकल्पाचे मुख्य कार्यकारी अधिकारी म्हणूनही जबाबदारी सांभाळली होती .

श्री. बिस्वास यांच्या सेवानिवृत्तीनंतर महाराष्ट्र सदनाच्या निवासी आयुक्त पदाचा कार्यभार सहायक निवासी डॉ. राजेश अडपावार यांना सोपविण्यात आला आहे.

0000

आम्हाला ट्विटर वर फॉलो करा http://twitter.com/MahaGovtMic

रितेश भुयार /वि.वृ.क्र. 58 / दि.1.04.2022