राजधानीत नेताजी सुभाषचंद्र बोस जयंती साजरी

नवी दिल्ली, 23 : नेताजी सुभाषचंद्र बोस यांची जयंती आज महाराष्ट्र सदन व महाराष्ट्र परिचय केंद्र येथे साजरी करण्यात आली. 

            कोपरनिकस मार्गस्थित महाराष्ट्र सदनातील सभागृहात आयोजित कार्यक्रमात निवासी आयुक्त तथा सचिव आभा शुक्ला यांनी सुभाषचंद्र बोस यांच्या प्रतिमेस पुष्पहार अर्पण करून अभिवादन केले. यावेळी राजशिष्टाचार तथा गुंतवणूक आयुक्त लोकेश चंद्र, अपर निवासी आयुक्त समीर सहाय, सहायक निवासी आयुक्त अजीतसिंह नेगी यांच्यासह महाराष्ट्र सदन तथा महाराष्ट्र परिचय केंद्राच्या अधिकारी व कर्मचाऱ्यांनी सुभाषचंद्र बोस यांच्या प्रतिमेस पुष्प अर्पण करून अभिवादन केले. यावेळी अधिक्षक भागवंती मेश्राम यांनी सुभाषचंद्र बोस यांच्या जीवनावर प्रकाश टाकला.

  महाराष्ट्र परिचय केंद्रात सुभाषचंद्र बोस यांना अभिवादन

महाराष्ट्र परिचय केंद्रात सुभाषचंद्र बोस यांची जयंती साजरी करण्यात आली. उपसंपादक रितेश भुयार यांनी सुभाषचंद्र बोस यांच्या जीवनावर प्रकाश टाकला. उपस्थित कर्मचा-यांनी सुभाषचंद्र बोस यांच्या प्रतिमेला पुष्प अर्पण करून आदरांजली वाहिली.   

                                                                     00000