दिल्लीत उद्या मराठी खाद्य महोत्सव

 

 

नवी दिल्ली, 18 : राजधानी दिल्लीत उद्या (रविवारी)  कोपरनिकस मार्गस्थित महाराष्ट्र सदनात खाद्य महोत्सवाचे आयोजन करण्यात आले आहे.

आमची दिल्ली आणि एक्सप्रेशन ग्रुपच्या माध्यमातुन हा एक दिवसीय खाद्य महोत्सव असणार आहे. या महोत्सवात स्वादिष्ट खाद्य पदार्थांसह हस्तकला प्रदर्शनीचे दालनही असणार आहे.

 खाद्य महोत्सवात सावजी चिकन व फुलके, फिशकरी, कोंबडीवडे, खिमा पाव, चकली, अनारसे, पुरणपोळी, पुरणाचे धिंडे, गुळशेल, श्रीखंड, साबुदाना वडा, वडापाव, मिसळपाव, पोहे, मसाले भात, मिक्स डाळ वडा, पोपट दाण्याची ऊसळ, भेळ भोपळयाचे घारघे, कडधाण्याची चटणी  आदी पदार्थांचा आस्वाद खवय्यांना घेता येणार आहे. यासह हस्तकला दालनही असणार आहे यामध्ये चित्रप्रदर्शनी तसेच विविध वस्तु मांडल्या जातील.

 अधिकाधिक लोकांनी या खाद्य महोत्सवातील व्यजनांचा लाभ घ्यावा, असे आवाहन आयोजकांनी केले आहे.