राजधानीत ‘महाराष्ट्र दिन’ उत्साहात साजरा

                           

नवी दिल्ली, ०१ : महाराष्ट्र राज्य स्थापनेचा 57 वा वर्धापन दिन महाराष्ट्र सदन येथे उत्साहात साजरा करण्यात आला. निवासी आयुक्त तथा राजशिष्टाचार आयुक्त लोकेश चंद्र यांच्या हस्ते महाराष्ट्र सदन येथे ध्वजारोहण करण्यात आले.

           निवासी आयुक्त कार्यालय व महाराष्ट्र सदन येथे ध्वजारोहण करण्यात आले. यावेळी राष्ट्रगीत होऊन उपस्थितांनी ध्वज वंदन केले. या कार्यक्रमास अपर निवासी आयुक्त समीर सहाय, सहायक निवासी आयुक्त राजशिष्टाचार इशू संधू, महाराष्ट्र परिचय केंद्राचे उपसंचालक दयानंद कांबळे, सहायक निवासी आयुक्त अजितसिंग नेगी यांच्यासह महाराष्ट्र सदन व महाराष्ट्र परिचय केंद्राचे अधिकारी-कर्मचारी, महाराष्ट्रातून आलेले व महाराष्ट्र सदनात निवासी असणारे अभ्यागत, दिल्लीस्थित महाराष्ट्र शासनाच्या विविध कार्यालयातील अधिकारी-कर्मचारी आणि दिल्लीत विविध क्षेत्रात कार्यरत मान्यवर यावेळी मोठ्या संख्येने उपस्थित होते.