महाराष्ट्र सदनात इंदिरा गांधी यांची जयंती साजरी

नवी दिल्ली, १९ : भारत देशाच्या पहिल्या महिला प्रधानमंत्री इंदिरा गांधी यांची 100 वी जयंती आज महाराष्ट्र सदन येथे  साजरी करण्यात आली.

                 कोपर्निकस मार्गस्थित महाराष्ट्र सदनातील सभागृहात आयोजित कार्यक्रमात निवासी आयुक्त तथा सचिव आभा शुक्ला यांनी इंदिरा गांधी यांच्या प्रतिमेस पुष्पहार अर्पण करून अभिवादन केले. यावेळी राजशिष्टाचार तथा गुंतवणूक आयुक्त लोकेश चंद्र, अपर निवासी आयुक्त समीर सहाय, सहायक निवासी आयुक्त अजितसिंह नेगी यांच्यासह महाराष्ट्र सदनातील व महाराष्ट्र परिचय केंद्रातील अधिकारी -कर्मचारी  उपस्थित होते. यावेळी उपस्थितांनी इंदिरा गांधी यांच्या प्रतिमेस पुष्प अर्पण करून अभिवादन केले.

इंदिरा गांधी यांची जयंती ‘राष्ट्रीय एकात्मता दिन’ म्हणून पाळण्यात येते. यावेळी निवासी आयुक्त तथा सचिव आभा शुक्ला यांनी उपस्थित अधिकारी-कर्मचा-यांना  राष्ट्रीय एकात्मतेची शपथ दिली.