' महाराष्ट्रातील 11 पोलीस अधिका-यांना गृहमंत्री पदक'

नवी दिल्ली, 28 :  महाराष्ट्रातील 11 पोलीस अधिका-यांना गुन्हे अन्वेषणातील गुणवत्तेसाठी गृहमंत्री पदक जाहीर करण्यात आले आहे.

केंद्रीय गृहमंत्रालयाने आज 25 राज्य, केंद्रशासित प्रदेश व केंद्रीय तपास यंत्रणेत कार्यरत असणा-या 101 पोलीस अधिका-यांना गृहमंत्री पदक जाहीर केले आहे. महाराष्ट्रातील 11 पोलीसांचा यात समावेश आहे. मध्य प्रदेशातील 11 पोलीस अधिकारी, सीबीआयचे 9 अधिकारी तसेच राजस्थान व उत्तर प्रदेशातील प्रत्येक 7 पोलीस अधिका-यांचा यात समावेश आहे. देशातील 12 महिला पोलीस अधिका-यांनाही गृहमंत्री पदक जाहीर झाले आहे.

महाराष्ट्रातील खालील पोलीस अधिका-यांना गृहमंत्री पदक जाहिर झाले आहे.

राज तिलक रोशन ( पोलिस उपायुक्त), दिपक पुंडलिक देवराज (पोलिस उपायुक्त), सुरज पांडुरंग गुरव (पोलिस उपाधिक्षक), रमेश नागनाथ चोपडे( सहाय्यक पोलिस आयुक्त), दिनेश विठ्ठलराव आहेर (पोलिस निरीक्षक), शशिराज गुंडोपंत पाटोळे ( पोलिस निरीक्षक), चिमाजी जगन्‍नाथ आढाव ( पोलिस निरीक्षक), सुरज जयवंत पडावी ( पोलिस निरीक्षक), सुनिल किसन धनावडे ( पोलिस निरीक्षक), सचिन मुरारी कदम (पोलिस निरीक्षक) आणि धनंजय चित्‍तरंजन पोरे (सहाय्यक पोलिस निरीक्षक) यांचा समावेश आहे.

आम्हाला ट्विटर वर  फॉलो करा  http://twitter.com/MahaGovtMic                                                                     

                                                                        00000

दयानंद कांबळे/वि.वृ.क्र.87 /दि 28.02.2019