गेल्या तीन वर्षात महाराष्ट्राच्या ग्रामीण भागात ४८९ रस्ते

नवी दिल्ली दि. 10 : प्रधानमंत्री ग्राम सडक योजनेंतर्गत (पीएमजीएसवाय) गेल्या तीन वर्षात देशभरात 1 लाख 45 हजार 198 कि.मी.चे 27 हजार 337 रस्ते बांधण्यात आले असून महाराष्ट्रात 2 हजार 837 कि.मी.चे 489 रस्ते बांधण्यात आले आहेत.

            केंद्रीय ग्रामीण विकास मंत्रालयाच्यावतीने राबविण्यात येणा-या ‘प्रधानमंत्री ग्राम सडक योजनेंतर्गत’ देशातील 29 राज्यांच्या ग्रामीण भागात 2016-2017 , 2017-2018 आणि  2018-2019  या तीन वर्षांच्या कालावधीत बांधण्यात आलेल्या रस्त्यांची माहिती  केंद्रीय ग्रामीण विकासमंत्री नरेंद्र सिंह तोमर यांनी लोकसभेत लिखीत उत्तरात दिली.

                                    महाराष्ट्रात 2 हजार 837 कि.मी.चे 489 रस्ते

            महाराष्ट्रात वर्ष 2016-2017  मध्ये 2 हजार कि.मी आणि 700 मिटरचे 199 रस्ते बांधण्यात आले. वर्ष 2017-2018  मध्ये 569  कि.मी  आणि 758 मिटरचे 196 रस्ते बांधून झाले तर वर्ष 2018-2019  मध्ये 266 कि.मी आणि 828 मिटरच्या 94 रस्त्यांचे  बांधकाम झाले.

            देशातील 29 राज्यांमध्ये अनुक्रमे वर्ष 2016-2017  मध्ये 47 हजार 446 कि.मी आणि 300 मिटरचे 8 हजार 410 रस्ते बांधण्यात आले. वर्ष 2017-2018  मध्ये 48 हजार 714  कि.मी  आणि 600 मिटरचे 9 हजार 695 रस्ते बांधून झाले  तर वर्ष 2018-2019  मध्ये 49 हजार 37  कि.मी आणि 550 मिटरच्या 9 हजार 232 रस्त्यांचे बांधकाम झाले.

महाराष्ट्र परिचय केंद्राच्या अधिकृत व्टिटर हॅण्डलला फॉलो करा . http://twitter.com/MahaGovtMic                                              000000

रितेश भुयार  /वृत्त वि. क्र.१५२ /  दिनांक  १०.०७.२०१९